Shqipëria nga viti në vit po bëhet një nga vendet më tërheqës për të investuar në pasuri të paluajtshme. Me një ekonomi në rritje dhe me një perspektivë të fortë për t’u anëtarësuar në Bashkimin Europian, vendi ofron shumë mundësi për investitorët e ndryshëm.

Nëse jeni duke kërkuar për të blerë një shtëpi në Shqipëri për përdorim personal ose një pronë për investim, tani është koha e duhur për të eksploruar mundësitë që tregu ofron.

Integrimi në BE dhe rritja e vlerës së pronës

Shqipëria është në rrugën e anëtarësimit në Bashkimin Europian dhe ky proces po e bën edhe më tërheqës për investitorët. Ndërsa vendi po afrohet me standardet e BE-së, ekonomia e saj po vazhdon të përmirësohet dhe vlera e pronave pritet të rritet. Shumë vende që i’u bashkuan BE-së në të kaluarën, si Kroacia dhe Bullgaria, përjetuan një bum të pasurive të paluajtshme për shkak të rritjes së investimeve të huaja dhe stabilitetit ekonomik. Shqipëria ka të ngjarë të ndjekë të njëjtën tendencë.

Një shembull se si integrimi në BE mund të ndikojë në pasuritë e paluajtshme gjendet në Kroaci. Kur vendi ju bashkua BE-së në vitin 2013, çmimet e pronave në qytetet kryesore si Dubrovniku dhe Spliti u rritën në vitet në vijim me më shumë se 20%. Një rritje e ngjashme mund të ndodhë edhe me pronat e paluajtshme në vend, veçanërisht në zona si Tirana dhe qytetet bregdetare, ku kërkesa është në rritje.

Investimi në pasuri të paluajtshme në Tiranë ose në prona përgjatë bregdetit mund të sjellin përfitime afatgjata sapo Shqipëria të bëhet anëtare e BE-së.

Rritje e shpejtë e tregut të qiradhënies

Me rritjen e numrit të turistëve dhe emigrantëve që vijnë në Shqipëri, kërkesa për prona me qira po rritet. Qytete si Tirana dhe Vlora po tërheqin studentë, profesionistë dhe nomadë digjitalë që kanë nevojë për qira afatgjate. Kjo po krijon mundësi të shkëlqyera për investitorët e pasurive të paluajtshme që duan të gjenerojnë të ardhura pasive duke investuar në apartamente apo vila në këto qytete.

Një grup tjetër që ka nxitur këtë kërkesës është turizmi shëndetësor. Shqipëria po kthehet në një qendër për kujdesin shëndetësor falë çmimeve të përballueshme, veçanërisht në trajtimet dentare dhe kozmetike. Klinikat po tërheqin pacientë nga Europa Perëndimore që vijnë për procedura cilësore me kosto më të ulët. Shumë vizitorë qëndrojnë për periudha të gjata, duke krijuar mundësi për të ardhura nga qiratë. Zotërimi i një vile në Shqipëri ose i një apartamenti në një vend kryesor mund të sigurojë gjatë gjithë vitit fitime të qëndrueshme.

“Smart Cities”  dhe infrastruktura digjitale

Një arsye tjetër pse pronat e paluajtshme shqiptare po bëhen më tërheqëse është fokusi i qeverisë në iniciativat e “Smart Cities”  dhe infrastrukturës digjitale. Tirana, në veçanti, ka modernizuar transportin e saj publik, internetin dhe planifikimin urban për të tërhequr bizneset ndërkombëtare dhe atë target grup që punon në distancë.

Shumë profesionistë nga vende si Gjermania, Britania e Madhe dhe Hollanda po zgjedhin Shqipërinë si bazë për shkak të kostos së ulët të jetesës, mjedisit të bukur dhe përmirësimit të infrastrukturës digjitale. Kjo do të thotë se kërkesa për qira po rritet në zona që janë miqësore me teknologjinë, siç është ajo e Pazarit të Ri në Tiranë. Investitorët që kërkojnë të blejnë prona në Tiranë mund të përfitojnë nga ky trend.

Eko-turizëm dhe prona miqësore me mjedisin

Një tjetër tendencë në zhvillim në tregun e pronave të paluajtshme është kërkesa për prona që janë miqësore me mjedisin. Zhvilluesit në Shqipëri kanë filluar të ndërtojnë prona me panele diellore, teknologji të avancuar dhe materiale miqësore me mjedisin, kjo ndikuar nga rritja e investitorëve dhe blerësve që kërkojnë shtëpi me përdorim efiçent të  energjisë.

Për shembull, zhvillimet e reja rezidenciale në zonat bregdetare si Green Coast janë duke përfshirë përdorimin e çative të gjelbra dhe sistemet e kursimit të ujit për të reduktuar ndikimin që kanë në mjedis. Blerja e një vile në Shqipëri që plotëson këto standarde  mund ta bëjë atë më tërheqëse në të ardhmen për blerësit e ndërgjegjshëm.

Nëse po mendoni të investoni, tani është koha për të eksploruar opsionet tuaja përpara se çmimet të pësojnë rritje.